مــوسكوتشو بحــلـة جــديــدة
http://www3.0zz0.com/2017/01/14/14/941093548.jpg

أيا عجبتني خاصة في الشكل رحت طيران رحت جربتها و اعجبتني حاجة مليحة و شابة تقدميها لضيوفك و درك راني رايحة نقدمها ليكم من مطبخي ان شاء الله تعجبكم

طبقت وصفتها بحذافيرها و تبارك الله تخرج موسكوتشو زاكية بهاد المكونات

الطريقة مع المقادير

اربع حبات بيض و كاس سكر و كاس حليب و كاس زيت و ثلاث كؤوس فرينة و فاني و خميرة الحلوى و قرصة ملح

نخلط جميع المكونات مع بعض و تطهى عادي و لازم المول يكون مستطيل او مربع باش يسهال علينا تقطيع الموسكوتشو الى مربعات و كل مربع يقسم على اثنين للحصول على شكل مثلث يعني كل مربع يعطينا مثلثين

كي توجد الموسكوتشو تكوني وجدتي صوص شوكولة هنايا غطسي كل مثلث في الصوص و مرمديه في النواة كوكو كيما قدماتو الشاف هالا او كاوكاو كان عندي شوية درته
و رايحة تحصلي على شكل هايل و مختلف للموسكوتشو